Kilalanin ang 3 Gurong Pinangalanang “Most Inspiring Teachers” ng Pilipinas

Tatlong guro mula sa Department of Education (DepEd)-Leyte Division ang pinangalanan ng Saceda Youth Lead bilang mga “Most Inspiring Teachers” ng Pilipinas.

Kilalanin natin sila!

Ayon sa Sunstar Tacloban, ang mga kinilalang guro ay sina Leyte Schools Division Superintendent Dr. Manuel Albaño, Assistant Schools Division Superintendent Dr. Henrietta Managbanag, at Headteacher Dr. Gary Mosquito. Sila ay pinagkalooban din ng Professor Ad Honorem/Vitasta Ambassador Distinction, isang honorary doctor of excellence, ng Université Henry Dunant sa seremonya sa Foundation University sa Dumaguete City noong Agosto 5, 2022.

Si Dr. Mosquito, na nasa serbisyo sa loob ng 16 na taon, ay naglahad ng pasasalamat sa “labis na parangal at pribilehiyo” sa kanyang pagtanggap ng parangal.

“Ang parangal na ito ay kumikilala sa mataas na kwalipikasyon ng “Most Inspiring Teachers” na gumagawa ng pagbabago sa pag gabay ng kabataan, edukasyon, at pagbuo ng bansa, na nagsusumikap para sa personal na kahusayan, at naging isang nakakaganyak na halimbawa sa mga komunidad,” sabi niya.

Ang Propesor Ad Honorem/ Vitasta Ambassador Distinction ay isang propesyonal na pagkilala na nagbibigay ng independiyenteng sanggunian sa katiyakan ng kalidad para sa Mga Pinakamagaling Guro ng Saceda Youth Lead, isang kabataang naglilingkod sa Institusyon sa ilalim ng National Youth Commission ng Pilipinas.

Ang iba pang awardees mula sa Eastern Visayas ay sina DepEd-Calbayog City Assistant Schools Division Superintendent Dr. Thelma Quitalig, Tacloban City Division teacher Eric John Estoque, Samar State University President Dr. Marilyn Cardoso, at Southern Leyte State University President Prose Ivy Yepes.

Ayon sa Saceda Youth Lead, 28 na mga guro mula sa mahigit 100 na nominado ang lumabas bilang “Most Inspiring Teachers of the Philippines” ngayong taon sa anim na buwang nationwide search.

Mayroong 140 awardees mula sa Batch 2013-2022 sa buong bansa, kabilang ang mula sa Bangsamoro Autonomous Region in Muslim Mindanao (BARMM), na ginawaran at tumanggap ng Honored Causa Professor/Ad Honorem Vitasta Ambassador Distinction o Honorary Doctor of Excellence.

Nakakabilib at saludo kami sa mga Pilipinong guro na patuloy na nagpapamalas ng galing at pagmamahal sa ating bansa! Mabuhay kayo!

Reference: (SunStar Philippines)