May bago nanamang nauuso na application ngayon at ang tawag dito ay Bondee. Noong isang araw lamang ay sinubukan namin ito. Maganda bang makipag bonding sa Bondee? Simple ba itong gamitin at matutugunan ba nito ang ating pangangailangan lalo na sa pakikipag usap sa ating mga kaibigan at mahal sa buhay? Gusto naming ishare sainyo ang aming experience.
Ang una mong gagawin ay magrerehistro ka ng iyong valid cellphone number para magkaroon ka ng account sa Bondee. Pagkatapos nito ay mamimili kana ng iyong avatar o yung virtual na itsura mo. Ibig sabihin, sa loob ng Bondee, malaya kang makakapili ng hugis ng iyong mukha at katawan, buhok, kasuotan, at mga iba pang accessories. Noong ginagawa namin ito, talaga nga namang nakaka-aliw. Maari mo kasing gayahin mismo yung itsura mo sa totoong buhay para realistic ang avatar mo. Pagkatapos nito, pwede mo ng i-add ang iyong mga kaibigan gamit ang kanilang QR code or username.
Ngayon, mayroon na kaming Bondee account at nai-add na din namin ang aming mga kaibigan. Nakaka enjoy magusap sa Bondee dahil sa napakadaming reaction status na pwede mong gawin. Pwede ka ding magupload ng picture at ilagay yun sa iyong status. Pwede mo ding i-poke or kalabitin ang iyong kaibigan kapag sila ay inactive.
Mayroon ding feature sa Bondee kung saan pwede kayong gumawa ng group chat. Dito naman namin nasubukan na makita ang aming mga avatar na sama sama at nagsasayawan, minsan naman ay nakaupo at nagpipicnic.
Ang isa pang feature ng Bondee ay ang pag sail or pag layag sa dagat kung saan makakakuha ka ng mga rare items tulad ng damit at accessories, at makakasalamuha din ang ibang Bondee users na hindi mo pa kaibigan.
Sa madaling salita, naenjoy talaga namin ang pag-gamit sa Bondee. Nawa ay magamit ito ng mga Pilipino upang mas lalo pang magkaroon ng interaksyon sa kanilang mga kaibigan at mahal sa buhay. Sa mga nag-iisip naman na gamitin ang Bondee sa mga kani kanilang interes o sa pag-gawa ng masama, wag niyo na itong ituloy. Itong Bondee ay ginawa para maging isang non-toxic environment kung saan lahat ay maaaring maging masaya. Ang saya makipag bonding sa application na ito.
